ورق عنب على الفحم

  • ½ كيلو ورق عنب مسلوق ( برطمانات او طازج)
  • ¼ كيلو لحمة مفرومة قليلة الدسم
  • 1 كوب ارز مصري ( مش مغسول)
  • 1 ملعقة بودرة ثوم
  • 2 ملعقة كبيرة زيت
  • طماطم مفرومة بدون قشر
  • 3 ملعقة كبيرة صلصة طماطم
  • 2 بصلة مقطعة ناعم
  • كسبرة وبقدونس وشبت
  • ملح وفلفل وكمون
  • للارضية:
  • شرائح بصل وجزر

الطريقة:
تشوح البصلة واللحم مع قليل من الزيت، ويقلب جيدا، وتتبل بالملح والفلفل.
لازم نتأكد من أن اللحمة استوت تماما ثم تضاف صلصة الطماطم والطماطم المفرومة، وتقلب جيدا، ويشوح مدة 10 دقائق.
في بولة، تخلط الكسبرة والبقدونس والشبت وبودرة الثوم والكمون والقليل من الملح مع الارز ، ثم يضاف خليط اللحم المفروم، ويقلب جيدا.
يحشى ورق العنب بالخليط السابق، ثم يرص في الحلة، مع مراعاة وضع بصل وجزر في قاع الحلة.
ثم توضع المرقة(نراعي مانكترش من الملح لان المرقة مملحة اصلا)…، ثم يوضع قليل من عصير الليمون، وتترك على نار هادئة حتى النضج.
نسخن فحمة، ثم نطفئها بالزيت، ثم توضع في حلة ورق العنب، وتغطى الحلة حتى يتشرب كل رائحة الفحم.
ثم يقدم.

بعض الملاحظات:

ورق العنب لو أستخدم طازج هياخد غلوة سريعة في مية فيها زيت زيتون وعصير ليمون

مكونات ورق العنب ممكن نستخدمها نئ في نئ او يستخدم مسبك علي النار وكل طريقة وليها طعم مختلف

اللحمة المفرومة ايضا نقدر نستخدمها نيئة او متشوحة

ممكن يتعمل مع الكوارع( الكوارع مفيدة جدا للمفاصل

لو اتبقي رز معانا نقدر نحشي بية اي نوع أخر من المحشي كوسة أو طماطم أو فلفل…. أو نقدر نسوية في حلة منفصلة

نراعي واحنا بنحط المرقة تبقي مغطية ورق العنب تلات اربع او نصفة عشان نضمن أنه يستوي كويس
httpss://www.youtube.com/watch?v=7wIYbfQpKGg