طعمية فرن

  • ¼ كيلو فول مدشوش او أقل ( منقوع في الماء مدة 8 ساعات )
  • حزمتين كسبرة
  • حزمتين بقدونس
  • حزمتين بصل اخضر او كرات
  • 4 رأس ثوم مقشرة
  • بصلة مفرومة
  • 1 او 2 بيضة
  • 2 ملعقة كبيرة كسبرة ناشفة مطحونة
  • ملح وفلفل
  • 1 ملعقة صغيرة بيكنج صودا
  • للوجه: كسبرة ناشفة او سمسم

الطريقة:

تم التحديث يوم 15 أغسطس 2016
تخلط كل المكونات جيدا في محضرة الطعام، ويراعى اضافة البيض بحيث لا تكون مائلة للسيولة.
يمكن ان تشكل باليد لو العجينة متماسكة، ، ويراعى دهن اليد بالزيت لسهولة التشكيل،ويراعى ارتداء جونتي في اليد، لان رائحتها لا تزول من اليد بسهولة.
يمكن ان تشكل بملعقة الايس كريم، اذا كانت العجينة مائلة للسيولة.
ترص على صينية الفرن المبطنة بالدقيق، وترش بالسمسم او الكسبرة الناشفة.
تدخل الفرن على 200 درجة حتى اللون المظبوط واكتمال النضج.
هذة الطريقة صحية جدا ومشبعة وقليلة السعرات.
يمكن اضافة قليل من الزيت داخل عجينة الطعمية ، للمساعدة في امتصاص بعض الفيتامينات.
الطعمية تنتفخ قليلا في الفرن نظرا لوجود البيكنج صودا.

ملحوظة:

يراعى تقسيم الكمية لتضرب في محضرة الطعام .
يمكن استبدال الفول المدشوش بالبسلة او الحمص .
يراعى تغيير ماء النقع للفول المدشوش كل فترة.
يراعى ارتداء جونتي بلاستيد اثناء تشكيل الطعمية ، لان الرائحة تظل فترة طويلة في اليد.
يمكن زيادة الخضرة.
يمكن تشكيل الطعمية بالايس كريم سكوب.
يمكن تفريز الطعمية سواء قبل النضج او بعد النضج.

httpss://www.youtube.com/watch?v=tpM03N3dG7M

8 Comments

  • rashs

    انا معنديش ورق زبدة ايه البديل بتاعها

    • sally

      جربي تبطني الصينية بزيت و دقيق لان الطعمية تلتسق بشدة

  • batoot

    طيب لو سمحتي انا عندي الفرن بتاعي يااما اولع الفرن يااما الشواية لما احطها في الفرن اولع الفرن والا الشواية

  • مسك

    بحبك فى الله ياسالى.ممكن تقولى الفرق بين بيكربونات الصوديوم و البيكنج صودا والبيكنج بودر .وهل بيكربونات الصوديوم هى اللى بنشتريها من عند العطار وبيكون اسمها كربوناتو.وجزاكى الله خيرا

    • sally

      أهلا يا مسك..بيكربونات الصوديوم هي نفس بيكربونات الصودا.. و هو يستخدم للحلويات التي بها كاكاو أو قرفة أو زبادي فتتفاعل معها جيدا و تنفخ الكيك أو أي مخبوز أما البيكينج باودر لبواقي أنواع المخبوزات و تتفاعل مع الدقيق لادخال الهواء. في بعض الوصفات بها البيكاربونات و البيكينج باودر معا فيجب الالتزام بهم لأن كل واحدة تتفاعل بشكل مختلف.

  • وسام

    لو سمحتى بيكاربونات الصوديوم هى كربونات الصودا اللى بتتحط فى الكيك

Comments are closed.