اكليراو بروفيترول حلو او حادق
13 July, 2013
- كوب ماء 200 مل
- 3 معالق كبار زيت عباد الشمس او ذبدة صفراء
- كوب دقيق 125 جرام
- رشة ملح
- معلقة بيكينج باودر
- 4 بيضات
- معلقة صغيرة فانيليا سائلة
اغلي كوب ماء 200 مل على النار مع اضافة الزبدة ثم ضيفي كوب دقيق 125 جرام و قلبي جيدا حتى تصبح عجينة مكورة. ارفعيه من على النار ثم ضيفي رشة ملح و معلقة بيكينج باودر و الفانيليا او رشة فلفل للحادق و اخلطي 4 بيضات واحدة واحدة بمضرب البيض حتى تصبح عجينة ملساء. بمعلقة صغيرة رصي كور على صينية بورقة زبدة و ادخليهم الفرن على 180 درجة حتى ينفخو و يصبح لونهم ذهبي ثم اطفي الفرن و اتركيهم بداخل الفرن حتى يجفوا من الداخل. بعد ما يبردو احشيهم حلو أو حادق. للحلو: كاسترد أو كريمة مخفوقة او كريمة باستري ثم اغمسي كل واحدة في شيكولاتة سايلة أو عسل أبيض أو كرامل و مكسرات.
للحادق: احشي خلطة جبن مثل الفيتا او الريكفور او التونة او السلمون المدخن مخلوطة مع لبنة و بشامل ثقيل القوام.. اغمسي طرف الجبنة المحشية في حبة البركة او سماق او جبن رومي مبشور او بقدونس.
[
You may like these too
37 Comments
-
-
sally
ينفع لكن افضل السائلة
-
-
فاديه
ينفع ف فانليا عاديه بدل فانليا السايله
-
sally
ممكن لكن فرق الطعم كبير لان السائلة اقوى و اجمل
-
-
sara
ياسالي انا عملت الاكلير وكان لونة حلو وطعمه حلو اوووي بس المشكلة كان في الفرن كور منفوشة بمجرد ماطلعته كل الكور هبطت لدرجة بقيت مش عارفة افتحه احشيه معرفش ايه السبب انا فتحت مرتين الفرن بس كان حلو اوووي وزعلانة منك جدااااااااااااااااااااااااااااااااااااا لان اكتر من مرة اسالك 300 مل يعملوا كام كوب مش بتردي
-
سندس
سالي من فضلك من اين احصل على الكريمة اللبانيو ورق الزبدة؟
وشكرا على وصفاتك الجميلة و اللي ديما مشرفاني في العزايم-
sally
شكرا 🙂 ورق الذبدة من السوبر ماركت و الكريمة اللباني بردو من السوبرماركت مثل هايبر و تباع بالكيلو
-
-
ساندي أحمد
سالي من فضلك من أين أحصل علي القانليا السائلة ؟
-
sally
من عند العطارين الكبار او من العتبة
-
-
sara mousa
كل الحاجات تحفه بس عايزه اعرف ازاي يكون صوص الشوكوﻻته يلمع
حاجه كمان عايزه اعمل بروفترول ازاي اعمل الصوص بتاعه-
sally
للبروفيترول استخدمي نفس الصوص
-
-
رؤى
شكرا ليكى يا سالى وأنا بحبك أوى وبعمل كل وصفاتك
-
منة الله
هو في أي وصفة لما بتقولي دقيق قمحي كامل أو سكر بني أو حاجة لايت ينفع أستبدلها بالحاجات العادية بس ما تبقاش لايت
-
sally
ممكن طبعا
-
-
منة الله
أنا مش قادرة اقوم من علي الكمبيوتر بسببك بجد بحبك أوي
-
sally
شكرا يا منة 🙂
-
-
marina
سالى بجد تحفة وحلو اوى اوى بس انا جربته وطلع ناشف جداااا يعنى لما خرجته من الفرن طلع محمص ومش عارفة ايه السبب وزعلت عليه جداااااااااااااا
-
sally
يمكن كان الفرن سخن زيادة او طولتي الفترة.. اتبعي الوصفة كما وصفت في الفيديو بدقة تامة
-
-
-
sally
🙂
-
-
sara
ياسوسو لو عايزة اعمل الاكلير زي ماكنتي عملاه في الحلقة شبه ساندوتش ازاي كان ميني صغير حلو اووي
-
sally
سارة انت ممكن تتحكمي في شكل و حجم العجين قبل ادخاله الفرن
-
-
sara
شكرا ياسالي علي الحاجات الجميلة اللي بتعمليها بتطيع روعة حببتيني في عمل الحلويات انا بجبك اوووووووووي انتي قمة في الرقة شكرا ياسوسو مرة تانية
-
sally
شكرا على تعليقك الحلو 🙂
-
-
سارة
انا عملتها بنفس الطريقه بس منفشتش منى تبقى ايه المشكلة
-
sally
هل ضربتيها كفايه حتى تجانس العجين؟ او ممكن حرارة الفرن كانت عالية زيادة
-
-
Mona Ashour
Bravo. Perfect.
-
nashwa
سالي ممكن تعطينا طريقه صوص الشيكولاته السايحه اللي نغمس فيها الاكلير
-
sally
مكتوب مع شرح الوصفة.. و تابعيني ان شاء الله على قناة سفرة حقدم وصفات كتيرة من موقعي و وصفات جديدة
-
-
nohafk
ازيك يا سالى عايزة اسالك لما نضيف البيض على الخليط يكون الخليط بارد ولا ساخن وكمان 125 و جم دقيق قد ايه بالكوب او الملعقة وسؤالى الاخير لما اقلب الدقيق مع الزيت تكون النار عالية
-
sally
النار تكون متوسطة عند التقليب. 125 جرام دقيق يوازي كوب دقيق. البيض يضاف و الخليط ساخن و يضرب على الفور بالمضرب.
-
-
هدى
تسلم ايديكى ياسالى هو الشكل ده بيطلع لما استعمل الملعقة
-
sally
تسلميلي يا رب. نعم هذا الشكل بالمعلقة.
-
-
جسي ميدو
ازيك يا سالي انا بحبك اوي بس عايزة اطلب منك حاجة تسالي عليها وتبعتيلي الرد انا عندي 18 سنة ورايحة اولي جامعة وطولي52 1ووزني 38 وانا عايزة اعرف عدد السعرات الازمة عشان مش اتخن لان عندي عقدة منه لاني كنت في 4 ابتدائي طولي 147ووزني 52 وعايزة اعرف ايه الوزن المثالي ليه وانا بحب الاكل الصحي والفاكهة وبقلل من النشويات والدهون وباكل الجبن الايت والكوكيز الايت وهل الاكلير لو اكلت 1 علي الافطار يتخن وانا بحب اتفرج علي برنامجكو وبتابعوا وبحب كل الي عملين فيه وسلميلي علي كل فريق العمل واية وماجي والدكترة كلهم خصوصا الدكتور بهاء لاني بتابعه علي طول حتي علي القنوات التانية وشكرا يا قمر
-
sally
أهلا بيكي و شكرا على تعليقك. عدد سعراتك على طولك حوالي 1100 سعر يوميا و ممكن تزيدي 5 كيلو لأنه النطاق المثالي للوزن بالنسبة لطولك. نظام أكلك صحي مع مراعاة اضافة البوتينات. 1 الى 2 اكلير أو الكوكيز اللايت على الفطار مسموح.
-
-
ايمان محمود عبد الفتاح
روعة يا سالى تسلم ايديك … ممكن طريقة عمل الفيتوتشينى بطريقة لايت ؟
-
sally
شكرا على تعليقك. حنزل الوصفة ان شاء الله.
-
Comments are closed.
فاديه
ينفع فانليا عاديه بدل من السائله