كيك الشيكولاتة اللايت

  • 1 كوب لبن (خالي الدسم) ( 200 ملل )
  • نصف كوب زيت عباد الشمس يعني 100 ملل
  • 2 بيضة
  • 2 كوب سكر بني أو أبيض ( 400 جم )
  • 1 كوب كاكاو خام ( ١٠٠ جرام )
  • فانيليا
  • 2 كوب دقيق ابيض 250 ل 260 جم )(
  • 2 ملعقة صغيرة بيكينج صودا
  • 2 ملعقة صغيرة بيكينج باودر
  • 3/4 كوب ماء ساخن ( 150 ملل )
  • رشة ملح
  • للزينة:
  • توت
  • فراولة
  • نوتيلا
  • صوص شيكولاتة

تم تحديث الوصفة
الطريقة:
كيكة غامقة جدا و هشة.. لابد اتباع الخطواط حتى نجاح الكيكة:
يخلط السكر مع البيض والفانيلا جيدا، ثم يضاف الزيت ويقلب، ثم يضاف اللبن ويقلب الخليط جيدا.
ثم يضاف الكاكاو الخام، والدقيق المخلوط بالبيكنج بودر والبيكنج صودا ورشة الملح.
ثم تضاف الماء الساخن ويقلب جيدا( يمكن اذابة ملعقة من القهوة في الماء الساخن لتعطي نكهة القهوة ).
قوام الكيك بيكون سائل.
يصب الخليط في قالب فاتح مبطن بورقة زبدةاو مدهون بالزيت ثم يدخل الفرن.
يدخل الفرن على 180 مدة 1 ساعة او ساعة الا ربع ، حتى النضج.
ملحوظة: يمكن الاستغناء عن البيكنج صودا، وعملها بنصف باكو من البيكنج بودر، ولكن في هذة الحالة الكيك بتكون أعلى من المنتصف.
تترك حتى تبرد تماما، ثم تزين بصوص الشيكولاتة اللايت، وكريمة الشيكولاتة اللايت.
ويمكن تزيينها بالنوتيلا والتوت الاحمر والفراولة كما بالصورة.
و>يمكن تقطيعها جاتوهات صغيرة كما بالصورة

صوص الشيكولاتة الغامق اللايت:
2 كوب لبن خالي الدسم يعني 400 ملل
¾ كوب كاكاو خام
½ كوب عسل ابيض
فانيلا غامقة

1ملعقة نشا
الطريقة:
يخلط  نصف معيار اللبن والكاكاو على النار مع الفانيلا ويوضع على النار.
يذاب النشا في قليل من اللبن( يترك باقي اللبن عند الاحتياج) ويضاف للخليط مع التقليب المستمر.
يضاف العسل في المرحلة الاخيرة بعد ما يتماسك الخليط ونخلي بالنا أن العسل بيخلي القوام سائل شوية.
لقوام صوص شيكولاتة سائل، يمكن الاستغناء عن النشا
لو قوام الصوص عندي تقل يمكن اضافة باقي اللبن

كريمة الشيكولاتة اللايت:
4 باكو كريم شانتيه بودرة
2كوب لبن خالي الدسم
حوالي كوب كاكاو خام و سكر بدرة حسب الاحتياج
فانيليا غامقة
الطريقة:
يخفق الكريمة البودرة مع اللبن حتى يتماسك الخليط، ثم يضاف الكاكاو بالتدريج حتى الوصول للون المطلوب.
توضع الكريمة في كيس حلواني وتزين بها الكيك.

Tags

55 Comments

  • yara

    انا نور انا بحبب برنامج حضرتك جدا و بكتتبب اي وصفه حضرتك بتعميليها

  • nada

    بجدجميلة اوى يا سالى وصفة الكيكة بالشيكولاتة انا جربتها و كانت جميلة جدا تسلم ايدك

  • Samah

    Hi Sally, m3lesh i have a question, what the best kind of the pure or raw cocoa?, i tried so many brands but they are all so bad,
    thanks dear:)

    • sally

      ريتش مكس مصري او الانواع المستوردة او من العتبة تجار خامات الحلوانية

  • yara

    انا جربت الكيك دي وانت حلوة أوي …تسلم إيدك.
    ونور بنتي بتحب تشوف البرنامج بتاعك أوي وبتجرب معظم وصفاتك

    • sally

      شكرا 🙂 سلميلي على نور 🙂

  • منى صادق

    سالى من فضلك زميلة يوم الاحد عملت الايس كريم عايزة وصفتىة ممكن على البريد الالكترونى ميرسى قورى و على فكرة بحبك قوى و انتى راقية جدا و حاجتك حلوة كتيى

    • sally

      شكرا لكن وصفتها مش عندي للاسف

  • MALAK KHALED

    انا بحبك جدا يا سالى انا كنت بخاف جدااااااا اعمل اى حاجه حلوه لكن اول معرفتى بيكى هى سى بى سى سفره . انا جربت الكيكة كانت تحفى وجميله جدا وكنت فرحانه جدا انى عملت كيكة بالأرتفاع والحلاوه ده لدرجه انى وزعتها على كل الجيران مكنوش مصدقين انها فى البيت مش جاهزه بجد انا كنت فرحانه واولادى كمان . بس انتى مقولتيش فى التليفزيون اننا نضيف النشا مع الصوص ولكنى كنت خايفه وعرفت اجيب المعلومه من واحده اعرفها علشان خاطرى متنسيش تقولى حاجه تانى علشان ناخد كل المعلومات منك انت بس كان الصوص ممر شويه لو سمحتى قوليلى اعمل صوص تانى عير الكاكاو يكون بالشيكولاته حلو واخر طلب عيزاكى تعملى الدونت على الهواء ارجوكى لو سمحتى معلش طولت عليكى لكن انت مش عارفه انا سعيده ازاى شكراااااااااااااا

    • sally

      شكرا يا ملك. حلقة الدونت اتعرضت اليوم و الاعادة 1:30 مساء و 9:30 صباحا. يوجد على الموقع صوص شيكولاتة بالشيكولاتة و العسل حلو جدا. النشا كان مش ضروري للصوص بل اهم لمشروب الكاكاو

  • Adam Isaacs

    على فكرة يا سالي احنا جربنا اميارح الكيكة دي وطلعت أكثر من رائعة وعلى الرغم من إني مش بحب الشكولاتة اوي ولما المدام عملتها كنت معتقد انها هتكون ليها طعم مر إلا إنها فعلا طلعت أكثر من رائعة والله بجد فعلا فاقت توقعاتي……بس الكاكاو الخام مكفاش في الصوص فاضطرينا نستحدم شوكولاتة غامقة بدل الكاكاو الخام في الصوص وكانت ممتازة……..احنا منتظرين الجاتو بتاع انهارده على سي بي سي سفرة والمدام إن شاء الله هتتعلم منك مجموعة حلويات كويسة ولايت بقدر المستطاع في فترة رمضان…………ألف ألف شكر……….برنامجك خفيف زي أكلاتك وفعلا بدون مبالغة بتفرج عليه مع زوجتي لإني بحب اسمع معلوماتك الصحية المفيدة لأني مدمن أكل صحي ومضادات أكسدة……رمضان كريم

    • sally

      شكرا على تعليقك الحلو.. و يا رب اكون دايما عند حسن ظنكم

  • منة ابراهيم

    اناااا بحبك موت يا سالى انا عندى 14 سنةو جربت بلح الشام وكان تحفة لان انتى اللى قولتى اوصفة وانا بحبك جداااا جداااااااااااااا يااااااااا موزتى

    • sally

      شكرا يا منة يا حبيبتي 🙂 تسلم ايديكي على بلح الشام و يا رب يكون عجبكم

  • May shibbani

    ما هو الغلوتين يلي اضيفه مع الحليب و كاكاو

  • May shibbani

    تستلم ايديكي يا ا حلى سالي وصفاتك حلوين متلك

    أطيب تشيز كيك عملت بس غيرت اللبنة بالقريشة
    أطيب و اخف تشيز كيك باعتراف كل من تذوقه تسلم ايدك

    • sally

      بالهنا يا رب لكن ما هي القريشة؟ تقصدي جبنة قريش؟ لكن قوامها مش كريمي

  • koky

    استفسار .. مممكن تقوليلي طريقه عمل بودنج الشيكولاته

    • sally

      الوصفة على الموقع تحت مشروب الشيكولاتة لانها نفس الوصفة

  • noha

    معلش يا قمر انا كانت عندى استتفسار بس الوصفه دى كوب و 3/4 دقيق ولاه 3/4 بس

    • sally

      كوب و ثلاث اربع دقيق ليس ثلاث اربع فقط كما كان مدون على الشاشة..كان خطأ اعداد اعتذر عنه

  • marwa Elsayed

    هو بسكوت دايجستف مقهوش حاجة صح انا كل يوم بتعشى بيه وبعدين انا ماشيه على نظام باكل كل حاجة بس صغيره فى الكميهصح ولا ايه

    • sally

      كل الاكل يحسب سعرات.. كلى حسب السعرات.. لا تتعدي ال1000 سعر في اليوم اذا كنت حابة تخسي

  • Marwa

    ممكن اعرف المقادير ده تتحط في قالب مقاس كام لو سمحتي، وربنا يكرمك علي الحاجات الحلوة ومش دسمة

    • sally

      شكرا على تعليقك.. مقاس القالب 28 سم

  • zeinab

    احلي كيكة شيكولاتة انا عملتها في حياتي .. انا بحب وصفاتك اوي ..جزاكي الله خير

    • sally

      بالهنا و الشفا يا رب… تعليقك اسعدني 🙂

  • ساره

    can i make the same recipe without chocolate ? as i need cake light wz vanilla only

    • sally

      You may try to use flour instead of cocoa, the same amount.

  • شوشو

    شكرًا يا احلي سالي بجد جربتها وتجنن موووت وأول مره جوزي يعجب بكيكه وياكلها بس اخزنها ازاي ممكن في التلاجه ويا ريت ياحبيبتي لأني محبطه تقولي لي عايزه أغير النظام وانا صايمه ولو صعب ينفع تديني نظام ولو في اليوم حاجه واحده غلط

    • sally

      ممكن حفظ الكيكة في علبة محكمة خارج الثلاجة لمدة اسبوع. نظام رجيم للصائم تحت تدوينة رجيم رمضان.

  • Suma

    سالي أنا ببريطانيا والكاكاو اللي حصلته فيه سعرات كثير
    وحصلت كاكاو خالي السعرات بس طعمه مش حلو مرّ كثير
    ممكن استخدمه بالكيكه وماراح يبين طعم المراره.
    وألف شكر سالي

    • sally

      الكاكاو الغامق المر أفضل نوع للصحة و حلو جدا لعمل الكيك او لمشروب الكاكاو

  • ام زايد

    اشكرك

  • ام زايد

    الله يحفظك ياسالي ويجزيك الخير لقد جربت الكيكة وكانت رائعة وكمان البودينج والبسكويت بس كيكة الزبادي حلوة بس تحسيها غريبه مش عارفة هي كده ولا في غلط ا

    • sally

      شكرا على تعليقك 🙂 اما بخصوص كيكة الزبادي فهي وصفة بدون دسم لذا تحتاج ان تتشرب بالعصير فور خروجها من الفرن حتى تصبح لينة و ذات طعم لذيذ. بدون عصير تصبح كالسفنجة الناشفة.

  • هبه

    جميله اوووووووووووووووووووووووى وطعمها تحفه تسلم ايدك اوى يا سالى ومنتحرمش من اكلاتك

  • جنه

    بجد تجنن انا هجربها تسلم ايدك

  • سلمى

    انا جربتها يا سالى و جيت اطلعها من الفرن بعد 1/2 ساعة زى ما انتى كاتبة كانت منتفخة اوى وبعدين عملتلها اختبار لقيتها نية خالص من جوة و هبطت وقعدت فى الفرن حوالى ساعة و ربع و فى الاخر لقيتها برده مستوتش و معجنة من جوة عايزة اعرف ايه السبب عل الرغم انى اتبعت المقادير بدقة و عندى الاكواب المعيارية و عايزة اعر الكاكاو الخام اللى انتى بتستعمليه اسمه اي و اجيبه منين

    • sally

      كل فرن يختلف في وقت السوى.. لابد أن تسخني الفرن عشر دقائق قبل ادخال الكيكة و يفضل استخدام قوالب المونيا لسوى متساوي. الكاكاو الخام من السوبرماركت او من عند العطار.

  • Mony

    طريقة بودنج الشوكولاتة:2صفار بيض.1/2كوب سكر.2معلقة كبيرة نشا.3كوب حليب.رشة ملح. 5كوب قطع شوكولاتة خام.
    أنا عايزة الطريقة ديه بس عايزة ابدل الشوكولاتة واضع كاكاو ينفع ولا لا
    ولو ينفع تبقي كام كوب او معلقة من الكاكاو.

    • sally

      على كل كوب لبن 200 مل ضعي معلقة كبيرة نشا و معلقتين كبار كاكاو خام و معلقة كبيرة سكر أو أكثر حسب المذاق الشخصي ثم قلي على نار هادئة حتى التماسك. صفارين البيض ممك تضعيهم كبديل للنشا على كوب لبن اضافي مع تكرار باقي المقادير. يخلط الصفار بشكل تدريجي.

  • Hany

    انا شوفت الكمية الكبيرة من الحلويات الدايت و انا مش متخيل ان ممكن الأشكال الرهيبة جدااااااااااااا دي تكون دايت . الرحمة يا د. سالى فيى ناس انا منهم هاموت و أكل حلويات و خايف يزيد الوزن اكثر مما هو عليه شكل الصور راااائع.

    • sally

      هذه الحلويات تسمى بلايت بدل دايت و هذا يعني انها أقل دسم أو أقل سكريات عن التقليدي.. و السر في الحجم و الكمية التي نتناوله.. كل ما أكلنا كمية أصغر كل ما ضررها حيكون أقل 🙂

  • نها

    مكوناتها سهلة هجربها ان شاء الله بس هل النتيجة مش هتكون حلوة لو استخدمت الكاكاو المخلوك بالسكر وممن استخدم الخلاط العادى فى خفق المكونات شكرا على مجهودك الرائع

    • sally

      يوجد وصفة أخري بالكاكاو المحلى بالسكر. تغيير أي مكونات بهذه الوصفة تعرقل نجاح الكيكة. ممكن تستخدمي الخلاط.

  • وسام

    لو سمحتى ممكن اعرف اجيب الكاكاو الخام منين

    • sally

      الكاكاو الخام من السوبرماركت او من عند العطارين الكبار

  • sara

    ممكن اعرف طريقة عمل تارت الفواكه

    • sally

      حنزل الوصفة عن قريب ان شاء الله.

  • سماح محمد

    تسلم ايدك ياسالى اكلاتك وحلوياتك تحفه هجرب الكيكه واقولك ممكن ينفع من غير البيكنج صودا والماء بيتحط امتى وينفع بداله لبن

    • sally

      تسلميلي يا رب. البيكينج صودا مهم و لا يوازيها البيكينج باودر لأن البيكينج صودا يتفاعل جيدا مع الكاكاو حتى تعلى و اسمها البيكاربونات الصوديوم من عند العطار أو من السوبرماركت. ممكن تستبدلي الماء باللبن.

Comments are closed.