كيكة الجيلي المقلوبة
- 4 باكو جيلي فراولة او كريز
- كريز طازج او اي فاكهة
- 2 كوب ماء ساخن
- 2 كوب ماء بارد
- كيك جاهز
الطريقة:
يذاب الجيلي في الماء الساخن ويقلب جيدا، ثم يضاف الماء البارد.
يوضع قليل من خليط الجيلي في قاع القالب المستخدم، وايضا يوضع كريز او اي فاكهة حسب الرغبة.
تدخل الفريزر حتى يتجمد.
يوضع الكيك ( المخبوز في نفس القالب )، ثم يدخل الفريزر حتى يتجمد.
ثم يضاف باقي خليط الجيلي من الاطراف ومن فوق.
يمكن اضافة الفاكهة في الاطراف ايضا,
توضع في الثلاجة 4 ساعات حتى تتماسك جيدا.
تسخن من الجوانب بجهاز البشبوري ليسهل خروجها من القالب.
ثم تقلب على طبق التقديم.
ملحوظات:
يفضل تتعمل في قالب صغير مش كبير لاننا لو عملناها في قالب اكبر هنضطر نزود مقدار باكوات الجيلي عن المقدار الموجود في الوصفة
لوحبينا نستخدم ماء الفاكهة اللي هنحطها مع الوصفة في الحالة دي نقلل مقدار الماء اللي هندوب فية باكوات الجيلي ونستبدلة بمقدار ماء الفاكهة
اللي حابب ان الكيكة تبقي شاربة جيلي اوي يستغني عن خطوة وضع الكيكة في الفريزر ويسقيها جيلي علي طول بس في الحالة دي هنحتاج نضفلها مقدار جيلي تاني حوالي 2 باكو كمان عشان الكيكة بتشرب جيلي كتير وضروري لازم نغطي اطرافها ونسقيها كويس
ممكن اضافة مقدار من كريمة الخفق مع الجيلي لاضافة نكهة ولون مختلف
