كفتة ألماني صحية Frikadellen

  • نصف كيلو لحم مفروم قليل الدهون
  • 3 شرايح توست اسمر قمح كامل
  • نصف كوب لبن
  • 1 بيضة
  • حزمة بقدونس مفرومة
  • مقدار كوب بصل أخضر او ابيض مفروم
  • توابل لحم
  • ملح و فلفل

نخلط اللبن مع التوست ثم يفرك باليد ثم نضيف البيضة و ممكن نضيف نصف كوب أو أكثر فول صويا هش لزيادة القيمة الغذائية ثم نضيف باقي المقادير. يعجن الخليط جيدا ثم يكور كور صغيرة ثم يحمر على الجهتين في معلقة زيت عباد الشمس واحدة أو يوضع بالفرن على 200 درجة حتى النضج.

وصفة محببة جدا لدي الأطفال و ممكن تقدم مع بطاطس شبس مخبوزة بالفرن و مع طبق سلطة خضراء.

 

20 Comments

  • nora

    هل من الممكن استبدال التوست بالعيش الاسمر؟

    • sally

      نعم ممكن استبدال التوست بالعيش الاسمر

  • nora

    وصفة جميلة جدا , بس هو ممكن استبدال التوست بالعيش البلدى او الاسمر (اللى هو بيكون ناشف اوى ده مش فاكره اسمه بصراحه)؟

  • اميره

    انا بحبك جدا ياسالى وربنا بوفقك ان شاء الله
    عندى استفسار هو ممكن بدل التوست نستخدم دقيق القمح

    • sally

      شكرا على تعليقك.. دقيق القمح حينشف الكفتة جدا

  • nonos

    بجد تحفه يا سالي تسلم ايديكي بس ليه عندك طلب عايزين اكل صحي للنباتين واللي عندهم حساسيه من الالبان والبروتين الحيواني ياريت بجد

  • نهى عاشور

    جمييييييييييييييييييييييييييييييييييييييييييله طبعا زى عادتك يا سالى

  • جنه علاء

    ربنا يخليكى لمصر

  • ام ماجد

    انا بشكرك يا سالي كل مرة بتتحفينا باكلات سهلة وصحية وتناسب الاطفال
    مرة تانية شكرا وجزاك الله خير 🙂

  • شوشو

    والله يا سالي أنا بحبك اوي أنا في الامارات وموقعك بيسليني مووووت ربنا بكرمك بس أنا بنام بعد الفطار واصحي علي الساعه ١٢ دا في غلط بنتي بتسهرني

    • sally

      تعليقك اسعدني جدا 🙂
      اذا مارست رياضة المشي الصبح فلا مشكلة من تعسيلة بعد الفطور .. المهم يكون فطور خفيف

  • ريهام

    خطيرة انتى اجمل خبيرة تغذية فى العالم تسلم ايدك هعملها جدآ ان شاء الله

  • ام زايد

    عزيزتي سالي ما هو انسب وقت للمشي وتخفيف الوزن وكمان هل النوم بعد الفطور الصباحي يتخن ولك جزيل الشكر

    • sally

      انسب وقت هو الصبح و يكون مشي سريع لمدة نصف ساعة. لكن لماذا تنامين مرة ثانية بعد الفطور؟

  • شوشو

    فعلا شكلها جميله اوي تسلم ايدك يا قمر علي كل حاجه وهجربها لبنتي ان شا الله وكنت عايزه أسالك ألطريقه الصحيه للارز سلقه ونرمي ميته ولا كده فوائده تروح ومرسي يا قمر

    • sally

      مية الأرز ليس بها فائدة غير نشا و ممكن رميها. الخضروات هي التي يجب الحفاظ على ماء سلقها.

  • جنه علاء

    معلش يا سالى انا ماشفتش الحلقه امبارح هو ده الى انتى عملتيه الكفته دى ولا حاجه تانية

    • sally

      حقدمها يوم السبت ان شاء الله في ساعة مع شريف على المحور

Comments are closed.