رجيم خاص للمرضعات
11 January, 2015
قد تتعجبين، إذا ما علمت أن الرضاعة لا تتعارض مع الريجيم, وأنها تسهم بشكل رئيسي فى عملية إنقاص الوزن, فقط عليك ألا تتناولى الحلاوة الطحينية, والحلبة بالعسل الأسود، والسمن، لأنها تزيد من إدرار اللبن، فهذا المعتقد خاطئ تماماً, فما يدر اللبن هو الرضاعة نفسها، وما عليك سوى زيادة عدد مرات الإرضاع, وتناول أكبر قدر ممكن من الماء, مع تثبيت كوب قبل الرضاعة وكوب بعدها
.
ويمكنك تطبيق برنامج الريجيم الخاص بالسيدة المرضعة كالتالى:
وجبة الإفطار
كوب من اللبن منزوع الدسم + 5 ملاعق جبن قريش أو فيتا + شريحة توست او ربع رغيف + سلطة
بين الإفطار والغداء
كوب عصير برتقال غير محلى, أو ثمرة فاكهة.
وجبة الغداء
شريحة لحم أو نصف فرخة أو 2 سمكة مشوية + 3 ملاعق أرز مسلوق أو مكرونة مسلوقة أو ثمرة بطاطس مسلوقة + سلطة خضراء أو خضار
بين الغداء والعشاء
كوب لبن منزوع الدسم.
وجبة العشاء
بيضة + قطعة جبن فيتا او قريش + كوب لبن منزوع الدسم + خيار مقشر أو حبة طماطم.
قبل النوم
علبة زبادي بعصرة نصف ليمونة و معلقة صغيرة عسل أبيض
تعليمات
يمكن إضافة 2 ملعقة لبن منزوع الدسم على الشاى والقهوة مرة واحدة فى اليوم.
يجب تناول أكبر قدر ممكن من الماء أثناء اليوم لا يقل عن 8 أكواب ماء متفرقين على مدار اليوم.
يجب تناول كوب من الماء قبل الوجبة مباشرة.
مسموح بتناول الشاى والقهوة بدون سكرمرة او اثنين في اليوم فقط.
مسموح بتناول بدائل السكر.
المشى قدر الإمكان 20 دقيقة في اليوم.
كتبت: سالي فؤاد
You may like these too
14 Comments
-
-
sally
اكل الفاكهة يفضل الصبح عموما قبل الفطار. اذا حسيتي بجوع بين الوجبات ممكن تأكلي ثمرة واحدة فقط بعد الاكل بساعتين او ثلاث و في الليل ممكن لوز مقاس قبدة يد
-
-
Shaima
ممكن أشرب حاجة زي Kräuter Tee أو شاي الفواكه بدل الشاي و القهوة
و بالنسبة للبن المنزوع الدسم ممكن لبن يكون نسبة الدسم فيه واحد من عشره؟
و فيه بديل للبيض و الجبنة القريش عشان عندي حساسية منهم؟؟
طولت عليك آسفه-
sally
Kraeuter Tee صحي جدا طبعا
ممكن لبن قليل الدسم لكن لا تكثري عن اجمالي كوبين في اليوم
منتجات الصويا كلبن او جبنة حلوين لكن المهم تلاقيهم
-
-
غادة سمير
انا ابنى عنده ٦شهور و بياكل وجبتين او تلاتة فى اليووم وبيرضع طبيعىى هل اعمل ريجيم الرضاعة ولا ريجيم عااادى
-
sally
انصحك تبدأي برجيم الرضاعة و تشربي ماء بوفرة
-
-
Magie
سالى شكرا على نصايحك الجميلة.. انا شايفة ان الاكل فى النظام دا صحى .. هل ممكن امشى عليه و انا حامل ؟ و هل ممكن يساعد ان زيادة وزنى اثناء الحمل ماتكونش سريعة ؟
-
sally
انصحك بعرض الرجيم على دكتورك قبل اتباعه مع الحمل
-
-
-
sally
كل جسم استجابته و حرقه مختلف .. النزول الطبيعي في حدود 2 الي 3 كيلو في الاسبوع
-
-
-
sally
اقرأي نصايحي الشخصية تحت رجيمات
-
-
سها سعيد
انا دلوقتى برضع وبنتى عندها ثلاثة اشهر ونص وعاوزه اعمل رجيم ياترى الرجيم اللى موجود ده انا اعمله على طول ولا بيتغير كل اسبوع
-
sally
ممكن توقفي كل اسبوع لمدة يومين مع مراعاة أن الأكل يكون صحي و عدم الافراط و الحفاظ على المشروبات كما موصوف.
-
Comments are closed.
Shaima
هدور عليها و ان شاء الله الاقيها انا كنت لمحتها قبل كده،
و سؤال تاني بعد اذنك
بالنسبة للفاكهة في وجبة الغذاء، كنت سمعت منك تقريبا ان الفاكهة تتاكل ساعة قبل الاكل او بعده بثلاث ساعات، فكده ثمره الفاكهه دي تتاكل امتي؟؟ و فيه فاكهه ممنوعة؟؟؟
و سؤال كمان اذا حسيت بجوع بين الوجبات ممكن اكل ثمرة فاكهه او ما يوازي قبضة اليد لوز او زبيب مثلا؟ او ايه الافضل
شكرا حبيبتي