بيتزا صحية.. اعملي عجينة البيتزا بنفسك!

  • كيلو دقيق قمح كامل مخلوط بدقيق ابيض
  • نصف لتر ماء دافيء
  • معلقتين خميرة فورية أو قطعة خميرة طازة
  • معلقة كبيرة عسل ابيض
  • معلقتين كبار زيت زيتون
  • ملح

اخلطي الخميرة في الماء الدافيء مع العسل و اتركيه ربع ساعة ثم ضيفي باقي المقادير.. اعجني حتى تتكون عجينة متماسكة زودي ماء أو دقيق حسب الاحتياج.. اتركيها تخمر ساعة ثم افرديها على صينية مبطنة و ادهنيها زيت زيتون قبل وضع الصلصة و باقي المكونات.
ممكن استخدام هذه الوصفة لعمل فطاير محشية جبن بالفرن.

لقطة من برنامج ازاي ناكل صح و أنا بعمل البيتزا:

[youtube id=”l16Cns_x4SM” width=”620″ height=”360″]

28 Comments

  • mohammed saleh

    شكرا بس انت على الوصفات الرائعه دى بجد

  • mohammed saleh

    ممكن تورته التمر؟

    • sally

      تقصد كيكة التمر و الجوز؟ مكتوبة على موقعي

  • mohammed saleh

    بسم الله ما شاء الله انتى فنانه وزواقه انتى رائعه بل ملكه الحلويات ربنا يباركلك انا متابعك كل يوم 5.30 عشان اتعلم منك لانى بحب الوصفات والاكل والحلويات الرائعه شكرا

    • sally

      شكرا على التعليق الحلو قوي ده 🙂

  • Amany

    عجبتنى الوصفة وحعملها انهاردة على الفطار بس عايزة اسأل انا فاكرة انى سمعت حد وصفهالى بالزبادى هو ده صح ولا دى طريقة مختلفة للبيتزا. شكرا وانا بحبك جدا

    • sally

      اهلا بيكي .. ممكن قليل من الزبادي في العجين

  • silvana

    هو فى الوصفة دى او وصفة الصلصة ممكن ابل زيت الزيتون او عباد الشمس ببعضهم او احط زيت عادى

    • sally

      ممكن زيت زيتون او عباد الشمس

  • Ahlam

    merci awe awe ya sally ana bmoot feky. wmyb3aki on cbc sofra
    plz i wanna know how much whole grain flour be mixed wz white one ?? thanks in advance

    • sally

      thanks dear. mix as u like half half as example

  • hala

    بجد ياسالى جربت البيتزا وطلعت خطيرة واولادى انبهروا بيها
    تسلم ايدك يا قمر

    • sally

      تسلمي يا رب بالهنا و الشفا

  • ام عمرو

    تسلم اديكي يا سالي انا متبعة كل وصفاتك بس انا بحط في العجين رهشه بودرة توم ريحتا بتبقى ايه جميلة

  • ryan

    شكرا يا ماما سالي أنا تونسي أعيش بالسعودية أعشق BRIOCHE
    الفرنسي هل لك أن تعمليه على الهواء مباشرة مع عمو شريف مدكور في الأسبوع القادم،عشان ماما تعمله لي للمدرسة أنا نحيف وأحتاج لأكلات دسمة عمري 8سنوات ,طولي122cm وزني20kg

    • sally

      اهلا بيك.. البريوش اساسه دقيق أبيض و سكر و ذبدة و هذا سيء لصحتك و تركيزك.. ممكن والدتك تقرأ عن فطار المدارس على موقعي به نصايح حلوة و صحية حتعجبك جدا .. كما ان يوجد وصفات كثيرة صحية و لذيذة جدا..

  • ryan

    Thank you so much mama sally I am 8 years old,please I need the recipe of french toast.yours faithfully ryan.

    • sally

      You are welcome dear Ryan. The French toast recipe is on my web as well.

  • هند

    تسلم إيديكِ ياسالي
    بس كان ليا استفسار …
    هو دقيق القمح ده لو ملقتهوش ينفع اجيب الدقيق الأبيض العادى واشيل منه حوالى كوب واحط بدلها كوب ردة
    وممكن الاقيه فين
    وهل هو هو الدقيق الاسمر ولا ده فير دقيق القمح

    • sally

      تسلميلي يا رب.. الدقيق الاسمر افيد بكثير من الدقيق الابيض مع الردة.. و موجود في السوبرماركتس الكبرى في قسم الدقيق باسم الدقيق الاسمر

  • ام امانى

    تسلم ايديكي سالي انا بعمل البيتزا بتتطلع تحفه

  • جيهان سيد امام

    شكرا على مجهودك وانا بحبك ومتبعاكى من زمان

    • sally

      الف شكر على تعليقك الحلو 🙂

  • سماح محمد

    تسلم ايديكى ياسالى على البيتزا هاحاول اجربها
    ويارب تنجح معايا ومبروك عالمدونه هايله فعلا وانا متابعاكى عالفيس كمان ونفسى اشوفك باستمرار عالتلفزيون ومستنيه ازاى ناكل صح عشان وحشتينا فعلا

Comments are closed.