باستا فلورا بالبندق و القرفة

تضرب الدقيق مع السكر البودر و رشة الملح و الفانيليا و القرفة و اضافة البندق المطحون ثم بعد ذلك يضاف الزبدة و البيض في محضرة الطعام حتى الحصول على عجينة قوامها مثل رمل البحر .

تفرد نصف العجينة بين اتنين كيس نايلون ونفردها بالنشابة على مقاس القالب ونرفعها بالكيس ثم نقلبها في القالب المتحرك ونسكنها جيداً ونزيل الاطراف الزائدة بالسكين ثم نحشي التارت بطبقة المربة

ثم نقوم بفرد نصف العجين الاخر بين اتنين كيس نايلون ونقطعها سيور رفيعة بقطاعة البيتزا ونرصها على وش التارت سيور بالعرض ثم سيور بالطول او بميل شوية.

ثم نقوم بازالة الاطراف الزائدة بالسكين ويمكن تشكيلها فى قوالب الميني تارت وحشوها بالمربى او بتشكيلها بقطاعات الورد

وتزين الباستا فلورا بها.

يدخل القالب الفرن الساخن على 180 درجة حتى اللون الذهبي و النضج في خلال نصف ساعة او اكثر.

نضعها على طبق التقديم ونرشها بالسكر البوردة.

ملحوظة:

لو الزبدة ساقعة هنخلطها مع الدقيق الاول بعدين

باقي المكونات لحد ما تلم معانا.

لو الزبدة طرية هنضربها

مع السكر البودرة وبعدين باقي المكونات لحد ما تلم معانا.

بنعمل الكمية كلها عشان تكفي تحت وفوق للباستا فلورا, اما لو تارت فقط (طبقة من تحت) نعمل نصف الكمية.

عجينة التارت والباستا فلورامش بنعجنها كتير عشان متعملش عرق وده سر من اسرار التارت.

يفضل نسيب العجينة ترتاح شوية وبعدين تفردها بين ٢ كيس نايلون.

لا يفضل نستخدم الزبدة سائلة عشان متعبة جدا في الشغل وده من اسرار التارت.

يفضل خبزها في قالب تارت مفتوح متحرك.