نظام رجيم سهل جدا ذات تاثير مشبع DIET PLAN

1 min reading time

قبل الفطار و أول ما نصحى من النوم انصح بتناول كوب ماء دافيء مذوب به معلقة صغيرة عسل أبيض و معلقة خل تفاح او عصرة نصف ليمونة لأانه يساعد على تنشيط الأمعاء و الجسم عموما و على الديتوكس لتنشيط الحرق فيما بعد.

بعدها بنصف ساعة نبدأ بالفطار:

اولا :- وجبه الفطور

ثمره  فاكهة واحده من اى نوع ماعدا العنب و الماجو و التين و التمر و الموز (الفاكهة تمد الجسم بالمفيتامينات و الألياف و الماء الذي يساعد على تنشيط الأمعاء و سهولة الهضم فيما بعد.

بعد ساعة:

ربع رغيف بلدي او توست رجيم + طبق فول “4 ملاعق” بدون زيت
او

طعمية فرن (الوصفة تحت فطار مغذي)
أو

بيضه مسلوقه
او
قطعه فيتا لايت

بعد نصف ساعة

كوب شاى او قهوة ” محلى بسكر دايت و يفضل عصرة نصف ليمونة على الشاي”
او
شاى/ قهوة بحليب ” محلى بسكر كدايت “

ثانيا :- الغذاء

أ – النشويات

ربع رغيف بلدي

او توست اسمر
او 3 ملاعق رز
او 3 ملاعق مكرونه

ب – الخضروات

طبق خضار سوتيه او بالفرن بدون بطاطس
او شوربه خضار و طبق سلطه بثمره طماطم واحده

ج – اللحوم

شريحه لحم احمر منزوع الدسم حوالي 150 جرام
او ربع فرخه مسلوقه او مشويه
او 3 سمكات مشويه متوسطه
او تونه مصفاه
او 2 بيضه مسلوقه

د – الفاكهه

ثمره واحده من اى نوع
ماعدا العنب و الماجو و التين و التمر و الموز بعد الوجبة بثلاث ساعات

أنصح بكوب شاي بعصرة نصف ليمونة و محلى بسكر دايت مرتين في اليوم بعد الوجبات الرئيسية بنصف ساعة على الأقل لانه يحفز الحرق و يذوب الدهن.

ثالثا :- العشاء

كوب حليب خالي الدسم بدون سكر
او علبة زبادى لايت + عصرة ليمونة + ممكن  اضافة معلقة شوفان خشن و رشة قرفة و معلقة بذر كتان مجروش
او قطعه جبن قريش مع معلقة فيتا و زعتر + خيار مقشر + 1 طماطم

ويجب الانتهاء من الاكل قبل النوم بساعتين

Tags

84 Comments

  • ferry

    ana 3ayza 2s2l so2al fel diet da huwa el ghadah beykon youm nashwyat w you 7’odar w kda wala kolo f youm wa7ed ?

  • مريم

    انا امشى على الرجيم دا اد ايه ممكن علطول ولا دا غلط
    عايزه اعمله بعد رمضان لان وزنى زااااااد بعد ما سافرت السعوديه وكنت عامله ريجيم قبل ما اجى وخسيت وصلت ل69 وفى خلال 6 شهور بقيت 90 وطولى 170 بجد دى حاجه مضيقانى قوى خصوصا انى عايزه اخس قبل ما يحصل حمل وجبت السير ليساعدنى على الحركه

    • sally

      ممكن شهر لكن اعملي يوم فري باعتدال كل اسبوع

  • alina madi

    שלום שאלי انا وزني شمونيم (80) و طولي 177هل هذا ملائم لطولي ؟!!

    • sally

      الوزن الصحي في حدود 60 الى 77 كيلو

  • ميمي

    انا بحس لما اشرب ماء كتير بزيد وزني

  • ميمي

    ما فائدة شرب القهوة في الرجيم

    • sally

      القهوة بتعلي الحرق في الجسم

  • ميمي

    انا باشرب خلطة من وصفات دكتور تعمل على تمشاية البطن هل هدا صحي ويساعد ع انقاص الوزن

    • sally

      اهم شيء اتباع الرجيم مع اي مشروب اعشاب

  • سمر

    سالي ميرسي ليكي ااوي علي الريجيم دا
    أنا معجبة بيكي جدا و ماما كمان و نفسي أتعرف عليكي و خصوصا بعد ما عرفت إنك سافرتي ألمانيا متعرفيش أنا بحبهت أد أيه علي فكرة أنا بعمل حاجات و شغل يديوي و نفسي أعملك حاجة منها بجد و الله مش تملق والله بجد من محبتي ليكي

  • denoz

    انا بحب البرنامج بتاعك اووى وبستفيد منك كتييير ربنا يكرمك.. انا كنت عاوزة اسأل عن نظام غذائى لزوجى مع العلم انه بطبيه شغله مبيكونش ف البيت على طول وانه ف الشغل ممكن ياكل اى حاجه على حسب المكان اللى هو فيه .. وطبعا مش هيمشى معاه نظام الفطار والغدا والعشا المتعارف عليه ف الريجيم .. ف تفيدينى بإيه؟

    • sally

      انصح انه يقرأ نصائحي في الدايت لأنها نظام حياة اذا فهمة حيتبعه بسهولة في اي مكان

  • Michael Amir

    Hi Sally
    أنا بشكرك على الريجيم ده بس ممكن تقوليلى أمشى على الريجيم ده لمدة أد أية ؟ أنا عندى 14 سنة طولى :177 و وزنى 76 يمكن يكون وزنى قريب من العادى بس أنا بسبب الأحداث الكانت فى البلد مكنتش بنزل أو بتمشى فبقى عندى كرش ممكن تقوليلى أمشى على الريجيم ده أد يه؟ و أنا عندى مشاية أليكتريك فلو فيه نظام معين أعملة مع الريجيم ياريت تقوليلى م مِرسى

    • sally

      try this diet for two weeks with two days off after each week. do jogging three times per week for half an hour and drink plenty of water

  • ميمي

    انا نفسي اصير زي وزنك بدي اسالك كم وزنك يارب اصير متلك في رشاقتك

    • sally

      ان شاء الله ربنا يحقق لك ما تتمنيه

  • ميمي

    انا بحبك كتير ومعجبة بيك جدا انا احب الشيبس والبسكويت كتير شو اساوي

    • sally

      اهلا بيكي يا ميمي.. الحل تاكلي شيبسي فرن و بسكوت صحي من وصفاتي

  • سمر

    هاي يا سالي ازيك
    انا عايزه اقولك اني كان عندي18 سنه و كنت 102 و عملت ريجيم نزلت لحد 75 بس زهقت من الدكتور لاني بعمل ريجيم صعب و كنت بجوع اوووي و بعدها بسنتين طلعت ل97 كيلو اتجوزت و حملت من سنه بالظبط و بقيت 120 كيلو وبقالي سنه اهو مش عارفه انزل كيلو خاالص مهما اعمل ريجيم و الوزن زياده في بطني السفليه و دراعي تنصحيني بأيه؟؟!!

    • sally

      انصحك اولا بفحص مستوى هرمون الغدة الدرقية لانه يتأثر كثيرا بعد الولادة

  • amira

    معجبة بيك جدا وبصراحة انا نفسى اكون ف نفس وزنك ورشاقتك فارجوكى ساعدنى بالنصيحة لو تقدرى انا سيدة عندى 32 سنة وطولى 156 ووزنى 80 وعندى طفلين وكنت عملت ريجيم من سنتين وخسيت كتير لكن لما حصل حمل رجعت تانى انا دلوقتى بعمل مع نفسى لكن مش بخس بسرعة بالرغم من انى حارمة نفسى من حاجات كتير بس مش عارفة مش بنزل كتير هل هو نظام الحرق ضعيف ولا اية ؟. اعمل اية
    ارجوكى ساعدنى

    م

  • أمل

    ربنا يحميكى ويباركلك
    انا عندى مشكله انى مش عارفه اعمل رجيم فى رمضان ممكن ابدا بعد رمضان فى الرجيم بتاعك هو ماشاء الله جميل جدا بس انا مش منتظمه انا وزنى 87 وطولى 167 انصحينى ارجوكى او شجعينى ربنا يباركلك

    • sally

      يوجد رجيم لرمضان على الموقع

  • سارة مصطفي

    انا عندى 16 سنة ومشكلتى انى باكل بكمية كبيرة ومش عارفة اسيطر على نفسي خالص ونفسي الاقى حل لمشكلة دى
    مع العلم انى بحبك جدا وبشكرك على اهتمامك بالردود على الناس وبصراحة مش بشوف ناس كتير بتعمل كدة 🙂

    • sally

      اعتذر عن ردي المتأخر.. قللي من النشويات و السكريات و امشروبات المسكرة و زيدي من الماء و البروتينات و السلاطات..حيوقف عندك الجوع

      • سارة مصطفي

        انا بحاول والله يا سالى بس المشكلة انى ببقي عايزة اكل حتى لو مش جعانة وده خلانى ازيد اكتر من 40 كيلو في اقل من سنتين
        يعنى مجرد وجود الاكل ادامى باكل من غير ما أحس
        مع العلم انى كنت رفيعة جدااااا وانا صغيرة لحد بس سنتين فاتو

      • sally

        ممكن تكوني بتحبي تتسلي بالاكل.. حاولي تشغلي وقتك بنشاطات

  • ميمي

    انا وزني خمسين عايزة اخس بس في رمضان شو اعمل

    • sally

      الامتناع عن الحلويات و المشروبات المسكرة و تناول وجبات صغيرة بدل كبيرة و شرب الماء

  • amira

    انا معجبة بيك جدا وبصراحة انا نفسى اكون ف نفس وزنك ورشاقتك فارجوكى ساعدنى بالنصيحة لو تقدرى انا سيدة عندى 32 سنة وطولى 156 ووزنى 80 وعندى طفلين وكنت عملت ريجيم من سنتين وخسيت كتير لكن لما حصل حمل رجعت تانى انا دلوقتى بعمل مع نفسى لكن مش بخس بسرعة بالرغم من انى حارمة نفسى من حاجات كتير بس مش عارفة مش بنزل كتير هل هو نظام الحرق ضعيف ولا اية ؟. اعمل اية
    ارجوكى ساعدنى

    • sally

      طبيعي ان الجسم يقل حرقه بعد كل مرحلة عمرية و بعد الولادة. حللي الغدة الدرقية و زودي نشاطك مع اتباع نصايحي في الدايت مكتوبة على الموقع

  • راندا

    عاوزة اعرف اعمل اية عشان اتحكم فى شهيتى

  • shaimaa

    سالى من فضلك كنت محتاجة اعرف ممكن اكل ايه باللبل لو باروح الجيم بالليل فبعد التمرين ممكن اشرب ايه و اكل ايه منعا للهبوط وانا يوجد عندي التكيسات اللى سببت اللى زيادة فى الوزن

    • sally

      انصحك في العشا بزبادي بمعلقة عسل او اي بروتين مثل الفراخ او السمك بدون دسم

  • sara

    هل مسموح مشروبات بين الوجبات او سناك او فاكهك وقد ايه

    • sally

      مسموح مشروبات بدون سكر و قليل من اللبن. الفاكهة قبل الأكل بنصف ساعة او بعد الاكل بثلاث ساعات

  • sara

    ايه رايك يا سالي في السكر الدايت وعايزه حاجه او مشروب يوقف الشهيه للاكل ويحرق الدهون

    • sally

      انصح بسكر سبلندا او كاندريل بتبادل اما مشروب يشبع فافضل شيء شرب الماء بوفرة و الشوربات قبل الوجبات

  • hanin hassan

    ربنا يكرمك انا لسة مكتشفة الموقع دة اكتر من هااااااااااااااااااايل كل نصايحك مهمة ومفيدة جدا انا عملت دايت لمدة سنة ونزلت الحمد للة كتير ودلوقتى بكافح عشان افضل زى ما انا واحافظ على اللى وصلت لة بس انا بمووووووووووووووووووت فى الحلويا ت والشيكولاتة وطبعا محرومة …بس بستفيد من كل المعلومات اللى بتقوليها فى البرنامج بتاعك…..شكرا على كل حاجة حلوة بتعمليها وبتقوليها……………..

    • sally

      شكرا على تعليقك الحلو و اهلا بيكي

  • Rasha

    ميرسى جداااااا يا سالى على ذوقك و اهتمامك بالرد و انا مبسوطة جدا عشان بتواصل معاكى ربنا يوفقك و منتظرين دايما اكلاتك الحلوة و الصحية على قناة سفرة

  • Rasha

    هاى يا سالى يا سكر
    لو سمحت اسأل سؤال : انا مرة دكتورة ريجيم قالتلى ان شرب الميه يكون بعد الأكل بساعتين و انا بعمل كده مع الميه و كمان المشروبات السخنة صح كده و لا ليكى رأى تانى ؟ لأنك كاتبة فى الصفحة دى نشرب شاى او قهوة بعد نص ساعة من الفطار
    معلش اسمحيلى بسؤال تانى : انا بثبت وزنى و المشروبات اللى بشربها بتكون زى ( نسكافيه باللبن نص ملعقة سكر – كوفى مكس بدون سكر – او كابتشينو – كركديه بدون – كولا دايت ) اما طولت عليكى بس معلش عايزة تعليقك ع المشروبات دى

    • sally

      شرب ماء يفضل بعد ساعة من الاكل و شرب الكافئئين بعد نصف ساعة على الاقل. مشروباتك تجوز ما عدى كوفي مكس لان به كريمر مضر جدا به زيوت نخيل مهدرجة

  • نورهان محمد

    انا عندى هالات سودا تحت عنيااااااااااا فزيعه اوى وانا بيضه فبتبان انوى على وشى وندى جناب عايز اخس شوايا

    • sally

      الهالات وراثة و انيميا و ارهاق

  • رازان

    اولا مبروك على البرنامج الجديد حلو وحادق
    انا من اشد المعجبين بيكى ومتبعاكى بقالى سنتين تقريبا وكنتى روعه فى التوب شيف لكن انتى التوب شيف فعلا بالنسبه لى
    انا بدأت النهارده الريجيم ده وعايزه اعرف انواع تانيه من الريجيم لانى سمعت ان الجسم مش بيحب الروتين فبينزل بصعوبه
    انا 85 كيلو طولى 162 سم وبعانى من مشاكل كتييييييير جدا
    التهاب مفاصل … برد متكرر… التهاب فى البول …دوالى …سليوليت ..ترهل والتهاب فى اوتار واعصاب يدى اليمنى غير بقى مشاكل عدم انتظام الدوره وألخ ارجوكى تساعدينى وتشجعينى

    • رازان

      افتكرت كمان …حساسيه (التهاب فى الرئه ) والاذن الداخليه او الوسطى المسؤله عن الاتزان…ههههههههههه معلش انا عايش ومش عايش هههههههههههه وعايزه اعرف اجيب كتاب وصفاتك منين انا فى اسكندريه

  • hayam

    انا عاوزه ريجيم ينفع مع الرضاعه لان انا بنتى عندها 5 شهور وبرضعها طبيعى وعاوزه ريجيم مش يقلل من كميه اللبن

  • مايا

    السلام عليكم ياسالى انا متزوجة وعندى طفلين وطولى 164 ووزنى بقى 80 مع العلم انى كنت عملة رجيم بقيت 70 بس رجع وزنى زاد تانى وانا دلوقتى بعمل رجيم مع نفسى بس مشكلتى انى بجوع بين الواجانات نفسي في نظام مشبع

    • sally

      هل جربتي هذا الرجيم “ذات التأثير المشبع” المدون على الموقع؟

  • سلوى

    السلام عليكم ياسالى انتى ماشاء الله عليكى بجد عاوزه اسألك انا والده مرتين قيصرى فعندى مشكلتين بطنى واردافى وزنى 74كيلو وطولى فحدود 158 وزنى زايد اوى وكمان انا بشتغل مدرسه وانا مغتربه وتقريبا يومى فى الشغل مش اقل من خمس حصص ياريت تنصحينى اعمل ايه عشان اخس واقدر اكمل فى شغلى ﻻنى بحس دايما فى نص دوامى انى تعبانه وﻻزم اكل اى حاجه انا باخد معايا انا مانعه المقالى خالص كل حاجه بحمرها فى الفرن حتى البطاطس معلش انا عارفه انى طولت عليكى

  • Rana

    شكرا جزيلا وربنا يكرمك 🙂

  • Rana

    ازيك يا سالي 🙂 لوسمحتي انا نفسي اخس بش المشكلة ان شغلي بيبدأ من 7 الصبح ل5 المغرب ومش ببقى عارفة اقضي يومي ازاي بحيث اخس ياريت تساعديني ضروري لاني متضايقة جدا…………وشكرا

    • sally

      اقرأي ضروري تحت تدوينة نصائحي الشخصية في الدايت و حضري وجبات صغيرة تتناوليها اثناء العمل فالتفاحة مثلا تعتبر وجبة و جزر مع خيار مقطع مع لبنة للتغميز يعتبر وجبة او تمرة مع نصف كوب لبن وجبة.. كل هذه الوجبات سهل الشيل و خفيفة و يساعدوكي على نزول الوزن و عند رجوعك البيت امنعي النشويات تماما و كلي خضار او سلطة مع بروتين و قبل النوم ممكن كوب زبادي.

  • nooody

    انا عندي مشكله واسفه اني هطول علي حضرتك انا عندى 21 سنة
    انا بقالي 4 سنين ونص بعمل دايت كنت متابعه مع دكتور وبعد كده سبته وكملت مع نفسي بدأت الدايت وانا وزني 90.5 وانا دلوقتي 65 ومع العلم طول الاربع سنين ماسيبتش الدايت يعني كبيري الغبط يومين تلاته بالكتير

    وجربت كذا دايت كميائي شويه وهرم غذائي شويه و اخر حاجه من ثلاث اسابيع فاتو كنت عامله رجيم التمر واللبن باكل 21 تمره و3 كوبايات لبن طول اليوم وكنت عملاة شهر 6 الى فات وخسيت علية وصلت 60 كيلو بس زدت تانى بسبب امتحانات وبقيت 65
    وانا حاليا سايباة وبقالي 15 يوم عامله رجيم هرم غذائي ( دكتور بهاء ) وقبل ما ابدأه لغبط يوم عشان افصل بين النظامين

    وانا دلو قتي مخسيتش طول 15 يوم مع العلم اني بمشي كل يوم ساعه علي الترايد ميل وساعات اكتر وبعمل رياضة طلوع السلم ونزولة 10 دقائق وبشرب 4 شاي اخضر و2 لتر مايه وبفطر بدري وبتغدي الساعه 4 وبتعشي فاكهه وبقالي 10 ايام باخد برشام اسمو فروتا بلانتا بس بردو مخسيتش مع ان ناس كتير خست عليه ومن غير دايت كمان وهو المفروض بيزود الحرق

    وانا جربت دكاترة كتير وروحت جيمات كتير وصرفت فلوس كتير
    وانا كنت متابعة حضرتك دايما على الاسرة والطفل واتمنى حضرتك تنصحينى وتساعدينى

    انا مضايقه اوي ومحبطه مش عارفه اعمل ايه اكتر من كده نفسى الاقى نتيجة لتعبى انا عايزه دايت يناسبني ويناسب وزني وتكون سعراتة مناسبة لية نفسي اخس بس 2 كيلو في الاسبوع نفسي في حل بجد نفسى اوصل ل 55

  • reham

    كمان عاوزة اعرف اكسر الرجيم كل 7 ايام مرة يعني يكون فيه يوم مفتوح ولا دي معلومة خطأ

    • sally

      نعم اكسري بوجبة واحدة في الاسبوع و لكن لا تملئي معدتك بافراط

  • reham

    السلام عليكم و رحمة الله و بركاته
    انا بدأت من النهاردة في نظام الدايت بس انا حاسة بالجوع بين الوجبات ممكن اكل حاجة بين الفطار و الغداء و تكون عبارة عن ايه

    • sally

      ممكن تكلي واحد زبادي او سلطة زبادي بالخيار او جبنة فيتااو قريش بالخيار مقاس علبة زبادي او بيضة مع قطعة جبن فيتا او قريش

  • asmaa

    شكرا يا سوسو يا قمرايه انتي علي المعلومات القيمه دي وعاوزه اسالك علي نوعيه مشروبات تتشرب علي مدار اليوم غير الاعشاب عشان انقاص الوزن او علي الاقل متتخنش وكمان لو مثلا ينفع افطر بسكويت ساده وشاي بلبن ومرسيه يا سولي ي ي

    • sally

      شكرا على تعليقك يا اسماء.. انا لا انصح بمشروبات تخسيس من الأعشاب او الجنزبيل و القرفة بمجرد هدف التخسيس لأنها بالنهاية بتحفز الجوع جدا بجانب تحفيز الحرق في الجسم فتسبب زيادة وزن اكثر.. ممكن تشربي شاي اخضر مرتين و شاي بلبن مرة و نسكافيه مرة مع تقليل اللبن و اضافة بدايل سكر.. انصحك بفطار صحي بدل بسكوت الصبح لأن البسكوت يحفز الجوع و زيادة الوزن و بلا فائدة اذا لم يكن مخبوز من دقيق قمح كامل و شوفان و فوائد اخرى..

  • reham

    السلام عليكم ورحمة الله وبركاتة
    ممكن نستخدم سكر دايت ولا لا و لو استخدمتوا استخدمة كام ملعقة في اليوم
    ( الموقع جميل جدا وفعلا يستحق ان يطلق عليه صحي و مفيد ربنا يوفقك )

    • sally

      شكرا على تعليقك 🙂
      نعم, ممكن استخدام سكر الدايت و لكن لا تكثري لأنه يساعد على الاحساس بالجوع.

  • شوشو

    طولي ١٧٣ ووزني ٧٧ بس حاسه اني تخينه برده وربنا يكرمك انك مهتمه والله في ميزان حسناتك لان الفضل في ربنا ثم انتي

    • sally

      وزنك في نطاق الطبيعي و لكن اذا حبيت تخفي عيوب الجسم انصحك تخسي حتى تصبحي 65 كيلو و هو الوزن المثالى لك الخالي من العيوب..

  • شوشو

    لو سمحت يا أطيب سالي ايه رايك في سكر ستيفيا هو امن وانا الحمد لله خسيت ١٥ كيلو بس منطقه الكرش بالجناب مليانه زي ما هي اعمل ايه لدرجه ان الهمس دخل جوه وجنابي طلعه بره وربنا يكرمك

    • sally

      سكر ستيفيا طبيعي و امن.. الكرش و الجناب شكل جسمك الوراثي.. الحل تخسي اكتر مع الرياضة. طولك كام و وزنك؟

  • سارة إبراهيم

    أنا بشكرك من كل قلبى وربنا يوفقك دايما ومن نجاح لنجاح

  • شوشو

    لو سمحت يا سالي أنا مشيت علي الريجيم ده ٣ أسابيع وخسيت خمسه كيلو قليل ولا حلو وعايزة اخس كمان ٢٠ كيلو وهنزل مصر بعد ستة شهور يا تري الحق اخس وبصراحه نفسي اعمل كيك وبودينج وحارمه بنتي من الحلويات عشان مش اكل معاها اكل حلويات امتي ولا بلاش خالص تاعبينك معانا ربنا يوفقك

    • sally

      اكل الحلويات يجوز الصبح قبل الساعة 10 صباحا لكن قطعة صغيرة توازي مقاس نصف كف اليد.

  • شوشو

    طب والله بجد انت عسل ومتواضعه مش مصدقه انك رديتي شكرًا علي اهتمامك يا عسل وربنا مش يحرمنا منك ومن معلوماتك

  • شوشو

    علي فكره بعت لك علي الفيس بس لسه مكتشفه الموقع ده أنا عملت المراره من سبع شهور ومش بأكل دهون أبدا بس حابه استفسر منك لو عايزه اخس ٢٠ كيلو هياخد معايا إد ايه من الريجيم ده وهل ينفع حلويات من وقفاتك العسل دي مره واحده في الاسبوع وانا كل اكلي صحي من وصفاتك وعايزه أقولك انك حلوه ورقيقه اوي وبجد بحب اشوفك اوي وما شاء الله معلوماتك جميله

    • sally

      شكرا يا شوشو على تعليقك 🙂 قبل ما تبدأي رجيم لازم تخدي دواء بديل المرارة لحرق الدهون.. استفسري عند الدكتور.. الحلو ممكن مرة في الاسبوع و تكون قطعة مقننة..

  • فريدة

    شكرا كثير يا سالي…حبيت أسأل عن تثبيت الوزن المرغوب فيه و ازاي نرجع لنظام غدائي متوازن بعد الريجيم ده

    • sally

      اقرأي نصائحي الشخصية في الرجيم فهي تعلم نظام حياة سهل يحافظ على الوزن او يساعد على التخسيس

  • منى

    رائع يا سالى انا حامشى على الرجيم ده وحاقولك ايه النتيجه

Comments are closed.